Tuesday, December 12, 2017
Reg:No 91291/Kermal/2004/18734

ബീറ്റ്‌റൂട്ട് ഭക്ഷണത്തില്‍ സ്ഥിരമായി ഉള്‍പ്പെടുത്തിയാല്‍.....

ബീറ്റ്‌റൂട്ട് ഭക്ഷണത്തില്‍ സ്ഥിരമായി ഉള്‍പ്പെടുത്തിയാല്‍.....

ആരോഗ്യമുള്ള ശരീരത്തിന് ആരോഗ്യമുള്ള ഭക്ഷണരീതിയാണ്‌ പിന്തുടരേണ്ടത്.  ദിവസവും ഭക്ഷണത്തില്‍ ചില പച്ചക്കറികള്‍ ഉള്‍പ്പെടുത്താന്‍ ശ്രദ്ധിക്കുക. പ്രത്യേകിച്ച്  കാരറ്റ്, ബീറ്റ്‌റൂട്ട്, ചീര, തുടങ്ങിയവയെല്ലാം. കാരണം അത്രയേറെ ഗുണങ്ങളാണ് ഇവയിലെല്ലാം അടങ്ങിയിട്ടുള്ളത്. 
ഇവയില്‍ പ്രധാനപ്പെട്ടവയാണ് ബീറ്റ്‌റൂട്ട്. ഒട്ടേറെ ഗുണങ്ങള്‍ ഉണ്ട് ബീറ്റ്റൂട്ട് കഴിക്കുന്നതുകൊണ്ട്,
 
1.  വിറ്റാമിനുകളുടെ കലവറയാണ് ബീറ്റ്‌റൂട്ട്. ബി ഗ്രൂപ്പ് വിറ്റാമിനുകളെല്ലാം ഇതില്‍ ധാരാളം അടങ്ങിയിട്ടുണ്ട് ബീറ്റ്‌റൂട്ടില്‍. വിറ്റാമിന്‍ സിയും ചെറിയ അളവില്‍ ഉണ്ട്. ഇത് രോഗപ്രതിരോധ ശേഷി വര്‍ദ്ധിപ്പിക്കുന്നു. അതിനാല്‍ ഭക്ഷണത്തില്‍ നിര്‍ബന്ധമായും ഉള്‍പ്പെടുത്തേണ്ട ഒന്നാണ് ബീറ്റ്‌റൂട്ട്
 
2.    അമിതവണ്ണം കൊണ്ട് വിഷമിക്കുന്നവരുടെ ഇഷ്ടാഹാരമാണ് ബീറ്റ്‌റൂട്ട്. ശരീരത്തില്‍ മെറ്റബോളിസത്തിന്‍റെ അളവ് ഉയര്‍ത്തുകയും അതുവഴി അമിത വണ്ണം ഒഴിവാക്കുന്നു. അതുകൊണ്ട് ഡയറ്റില്‍ ബീറ്റ്‌റൂട്ട് ഉള്‍പ്പെടുത്തണം.
 
3.  പോളിഫിനോള്‍സും ബീറ്റെയ്‌നും ധാരാളം അടങ്ങിയിട്ടുള്ള ഒന്നാണ് ബീറ്റ്‌റൂട്ട്. ഇത് ശരീരത്തിലെ ഫ്രീറാഡിക്കല്‍സിനെ ചെറുക്കാനും പല രോഗാവസ്ഥകളെയും തരണം ചെയ്യാനും സഹായിക്കുന്നു. മാത്രമല്ല ഓക്‌സിഡേറ്റീവ് ഡാമേജ് കുറയ്ക്കുകയും ചെയ്യുന്നു.
 
4.  ശരീരത്തെ പുനരുജ്ജീവിപ്പിക്കുന്നതിന് ഏറ്റവും സഹായിക്കുന്ന ഒന്നാണിത്. ആരോഗ്യ ഗുണങ്ങളാകട്ടെ എത്ര പറഞ്ഞാലും തീരാത്തതും. വിറ്റാമിന്‍ ബി ബീറ്റ്‌റൂട്ടില്‍ ധാരാളം അടങ്ങിയിട്ടുണ്ട്. ഇത് ശരീരത്തിലെ കോശങ്ങളെ പുനരുജ്ജീവിപ്പിക്കുന്നു.
 
5.  മിനറല്‍സ്, അയോഡിന്‍, മഗ്നീഷ്യം എന്നിവ ധാരാളം അടങ്ങിയിട്ടുളളതിനാല്‍ ഇത് എല്ലുകള്‍ക്ക് കരുത്ത് നല്‍കുന്നു. ദഹനത്തിന് വളരെയധികം സഹായിക്കുന്നതിനോടൊപ്പം വയറ്റിലുണ്ടാകുന്ന എല്ലാ അസ്വസ്ഥതകള്‍ക്കും പരിഹാരം 
 
6.  ബീറ്റ്‌റൂട്ടില്‍ അടങ്ങിയിരിക്കുന്ന നൈട്രേറ്റ് തലച്ചോറിലേക്കുളള രക്തയോട്ടം വര്‍ദ്ധിപ്പിക്കുന്നു. അതുവഴി മറവിരോഗങ്ങള്‍ക്ക് ഒരു പരിധി വരെ ആശ്വാസം ലഭിക്കുകയും ചെയ്യുന്നു. 
 
 
ഈ ഗുണങ്ങളൊക്കെ ശരീരത്തെ  ഒരു പരിധി വരെ രോങ്ങളെ തടയുകയും, ശരീരത്തില്‍ രക്തവര്‍ദ്ധിപ്പിക്കുന്നതിനു കരമാവുകയും ചെയ്യുന്നു. ഇനി ദിവസവും ഭക്ഷണത്തില്‍ ബീറ്റ്‌റൂട്ട് ഉള്‍പ്പെടുത്താന്‍ ആരും മടിക്കേണ്ടതില്ല.