Tuesday, November 21, 2017
Reg:No 91291/Kermal/2004/18734

ആള്‍ദൈവം ഗുര്‍മീത് റാം റഹിംസിംഗിന്റെ വയനാട്ടിലെ ഭൂമിയെ കുറിച്ച് അന്വേഷിക്കാന്‍ റവന്യൂ മന്ത്രിയുടെ ഉത്തരവ്

ആള്‍ദൈവം ഗുര്‍മീത് റാം റഹിംസിംഗിന്റെ വയനാട്ടിലെ ഭൂമിയെ കുറിച്ച് അന്വേഷിക്കാന്‍ റവന്യൂ മന്ത്രിയുടെ ഉത്തരവ്

വയനാട്: പീഡനക്കേസില്‍ അറസ്റ്റിലായ ആള്‍ദൈവം ഗുര്‍മീത് റാം റഹിംസിംഗിന്റെ വയനാട്ടിലെ ഭൂമിയെ കുറിച്ച് അന്വേഷിക്കാന്‍ റവന്യൂ മന്ത്രി ഇ ചന്ദ്രശേഖരന്‍ ഉത്തരവിട്ടു. അന്വേഷണ റിപ്പോര്‍ട്ട് രണ്ട് ദിവസത്തിനുള്ളില്‍ നല്‍കാന്‍ വയനാട് ജില്ലാ കളക്ടര്‍ക്ക് മന്ത്രി നിര്‍ദ്ദേശം നല്‍കി.
 
2012 ല്‍ മലപ്പുറം സ്വദേശി വികെ സക്കീര്‍ ഹുസൈനില്‍ നിന്ന് വയനാട്ടിലെ ഈഗിള്‍ എസ്റ്റേറ്റില്‍ പെടുന്ന 40 ഏക്കര്‍ സ്ഥലം റാം റഹിംസിംഗ് വാങ്ങി. 1872 ല്‍ തോമസ് ഗ്രേഹില്‍ എന്ന സായിപ്പിന്റെതായിരുന്നു ഈ സ്ഥലം. ഗുര്‍മീതിന്റെ ഓരോ വരവിനും വന്‍ തുകയായിരുന്നു കേരള സര്‍ക്കാര്‍ ചെലവഴിച്ചിരുന്നത്. ഗുര്‍മീത് ഉല്ലാസയാത്രയ്ക്കെത്തുന്ന സ്ഥലങ്ങളില്‍ പ്രദേശവാസികളെ സംഘടിപ്പിച്ച് യോഗങ്ങള്‍ സംഘടിപ്പിക്കുന്നതും പതിവായിരുന്നു.