Thursday, November 23, 2017
Reg:No 91291/Kermal/2004/18734

ദീര്‍ഘായുസിനുവേണ്ടി മൃത്യുഞ്ജയ ഹോമം നടത്താന്‍ പറഞ്ഞതിന് ശശികലയ്ക്ക് നന്ദി; എം.എന്‍ കാരശ്ശേരി

ദീര്‍ഘായുസിനുവേണ്ടി മൃത്യുഞ്ജയ ഹോമം നടത്താന്‍ പറഞ്ഞതിന് ശശികലയ്ക്ക് നന്ദി; എം.എന്‍ കാരശ്ശേരി

കോഴിക്കോട്: വിദ്വേഷ പ്രസംഗത്തില്‍ ഹിന്ദു ഐക്യവേദി നേതാവ് കെ പി ശശികലയ്ക്ക് മറുപടിയുമായി എം.എന്‍ കാരശ്ശേരി. എഴു്ത്തുകാര്‍ ദീര്‍ഘായുസ് ആഗ്രഹിക്കുന്നുവെന്ന് ആരാണ് ശശികലയോട് പറഞ്ഞതെന്നായിരുന്നു കാരശ്ശേരിയുടെ പ്രതികരണം. അദ്ദേഹം തന്റെ ഫേസ്ബുക്ക് പോസ്റ്റിലൂടെയാണ്  പ്രതികരണമറിയിച്ചത്.
 
ദീര്‍ഘായുസിനുവേണ്ടി മൃത്യുഞ്ജയ ഹോമം നടത്താന്‍ പറഞ്ഞതിന് ശശികലയ്ക്ക് നന്ദി. സെക്കുലറായവരുടെ ജീവനെ കുറിച്ച് അവര്‍ക്ക് നല്ല ആശങ്കയുണ്ട്. പക്ഷേ ആരാണ് സെക്കുലര്‍ എഴുത്തുകാര്‍ ദീര്‍ഘായുസ് ആഗ്രഹിക്കുന്നതായി അവരോട് പറഞ്ഞതെന്ന് ഞാന്‍ അത്ഭുതപ്പെടുന്നു. ഇത്തരം തമാശകളിലൂടെ എഴുത്തുകാരെ ഭയപ്പെടുത്താനാണ് ശശികല ശ്രമിക്കുന്നതെന്ന് തോന്നുന്നുവെന്നും അദ്ദേഹം പറഞ്ഞു.