Saturday, January 20, 2018
Reg:No 91291/Kermal/2004/18734

തെരുവ് നായ അക്രമണം ; പേരൂ‍ർക്കടയില്‍ 5 പേര്‍ക്ക് കടിയേറ്റു.

തെരുവ് നായ അക്രമണം ; പേരൂ‍ർക്കടയില്‍ 5 പേര്‍ക്ക് കടിയേറ്റു.

തിരുവനന്തപുരം: തലസ്ഥാനത്ത് വീണ്ടും തെരുവ് നായ ആക്രമണം റിപ്പോര്‍ട്ട് ചെയ്തു. പേരൂർക്കട കാച്ചാണി പുന്നാംകോണം ഭാഗത്ത് കുട്ടിയെ ട്യൂഷനു വിടാൻ പോയ വീട്ടമ്മക്ക് ആക്രമണത്തില്‍ പരിക്കേറ്റു. ഇതേ നായ തന്നെ നെട്ടയം ഭാഗത്ത് മറ്റ് അഞ്ച് പേരെക്കൂടി ആക്രമിച്ചു. ഇന്നലെ വൈകിട്ടായിരുന്നു തെരുവുനായ്ക്കൾ ഇത്രയേറെ പേരെ ആക്രമിച്ചത്. കാച്ചാണി പുന്നാംകോണം കാവുവിളാകത്ത് വീട്ടിൽ വസന്തകുമാരി(65) ക്ക് നായയുടെ ആക്രമണത്തിൽ കാലിനു പരിക്കേറ്റു. വസന്തകുമാരിയുടെ നിലവിളികേട്ട് എത്തിയ ഇവരുടെ സഹോദരൻ സന്തോഷ് ആണ് നായയെ ആട്ടി അകറ്റിയത്. ഇവർ ആദ്യം പേരൂർക്കട ഗവ. മാതൃകാ ആശുപത്രിയിലും തുടർന്ന് ജനറൽ ആശുപത്രിയിലും ചികിത്സ തേടി.അക്രമണമേറ്റ മറ്റുള്ളവർ വിവിധ ആശുപത്രികളിൽ ചികിത്സ തേടി. പുന്നാംകോണം, കാച്ചാണി ഭാഗങ്ങളിൽ കൂടി വരുന്ന തെരുവുനായ ആക്രമണത്തിൽ നാട്ടുകാർ ഭീതിയിലാണ്.