Monday, February 27, 2017
Reg:No 91291/Kermal/2004/18734

നെഹ്റുട്രോഫി വള്ളംകളി നാളെ

നെഹ്റുട്രോഫി വള്ളംകളി നാളെ

64- ാം നെഹ്റുട്രോഫിക്കായുള്ള ജലമാമാങ്കം ശനിയാഴ്ച പുന്നമടക്കായലില്‍ ഗവര്‍ണര്‍ ജസ്റ്റീസ് പി. സദാശിവം ഉദ്ഘാടനം ചെയ്യും. ഇതോടൊപ്പം പൊതുമരാമത്ത് മന്ത്രി ജി. സുധാകരന്‍ അധ്യക്ഷത വഹിക്കുന്ന യോഗത്തില്‍ രാജ്യസഭ ഉപാധ്യക്ഷന്‍ പ്രഫ. പി.ജെ. കുര്യന്‍, സംസ്ഥാന മന്ത്രിമാരായ പി. തിലോത്തമന്‍, കടകംപള്ളി സുരേന്ദ്രന്‍, മാത്യു ടി. തോമസ്, എംപിമാരായ കെ.സി. വേണുഗോപാല്‍, കൊടിക്കുന്നില്‍ സുരേഷ്, ജില്ലയില്‍ നിന്നുള്ള എംഎല്‍എമാര്‍ തുടങ്ങിയവര്‍ പങ്കെടുക്കും.
 
മുഖ്യാതിഥിയായി ചലച്ചിത്രതാരം ജയറാമും കേന്ദ്രമന്ത്രി അനന്ദ്കുമാറും എത്തിയേക്കും. മത്സരങ്ങള്‍ക്കായുള്ള ഒരുക്കങ്ങളെല്ലാം പൂര്‍ത്തിയായതായി കളക്ടര്‍ അറിയിച്ചു. സമയം അടിസ്ഥാനമാക്കിയാണ് ഇക്കുറി മത്സരങ്ങള്‍. സ്റ്റാര്‍ട്ടിംഗിലും ഫിനിഷിംഗിലും ഡിജിറ്റല്‍ സംവിധാനങ്ങളും ഉപയോഗിക്കും. 25 ചുണ്ടന്‍ വള്ളങ്ങളും 41 ചെറുവള്ളങ്ങളുമടക്കം 66 വള്ളങ്ങളാണ് ഇക്കുറി മത്സരത്തിനിറങ്ങുന്നത്. 20 ചുണ്ടനുകള്‍ മത്സരിക്കുമ്പോള്‍ അഞ്ചെണ്ണം പ്രദര്‍ശന മത്സരത്തിലാണ് പങ്കെടുക്കുന്നത്. ചെറുവള്ളങ്ങളുടെ ഹീറ്റ്സ് അടക്കം രാവിലെ ആരംഭിക്കും. മത്സരങ്ങള്‍ കൃത്യസമയത്ത് കുറ്റമറ്റ രീതിയില്‍ നടപ്പിലാക്കാനാണ് ശ്രമമെന്നും കളക്ടര്‍ അറിയിച്ചു.